ភ្នំពេញ៖ រដ្ឋលេខាធិការក្រសួងសង្គមកិច្ច អតីតយុទ្ធជន និងយុវនីតិសម្បទា និងជាអគ្គលេខាធិការក្រុមប្រឹក្សាសកម្មភាពជនពិការ លោក ឯម ច័ន្ទមករា ឱ្យដឹងថា គណនី Telegram ឈ្មោះ @makarachanem2 មិនមែនជា Telegram របស់លោកនោះឡើយ។
ក្នុងនោះ លោក ឯម ច័ន្ទមករា ឱ្យដឹងថា (រូបទី១) គឺជាការបន្លំលួចយករូបថត និងឈ្មោះរបស់គាត់យកទៅប្រើ។ ក្នុងករណីនេះ លោកក៏បានអំពាវនាវ ដល់សាធារណៈជនឱ្យប្រុងប្រយ័ត្ន និងចៀសវាងការចាញ់បោកណាមួយកើតឡើងដោយជនស្មោកគ្រោកនិងបក្សពួក។
គួរបញ្ជាក់ថា គណនី telegram ពិតប្រាកដគឺរបស់ លោក ឯម ច័ន្ទមករា គឺ @makarachanem និងមានលេខទូរសព្ទ រួមទាំងសញ្ញាធីកព័ណ៌ខៀវផងដែរ (រូបទី២)។